7asreyan qabl kol el fada2eyat ... aqwa mosalsalat ramadan

Go down

7asreyan qabl kol el fada2eyat ... aqwa mosalsalat ramadan

Post by wael on Sun Sep 02, 2007 4:54 pm

السيناريو التالي هو سيناريو معظم المسلسلات العربية وبما ان رمضان قرب وكل سنه وانتوا طيبيين

احب احكلكه قصه المسلسل الهتتفرجوا عليه بدل ماتتعبوا نفسكه 30 يوم




::: حنــــــ,ـان والذئــ,ـاب :::

يبدأ المسلسل بمشهد غرفة متواضعة وفي منتصف الغرفة سيدة عجوز تجلس على سجادة الصلاة في وضع ختام الصلاة

وفي الخلفية سرير المفترض أنه تنام عليه البطلة التي تجاوزت الخمسين من العمر ولكنها مازالت تؤدي دور الطالبة الجامعية .

الأم : "السلام عليكم ورحمة الله ... السلام عليكم ورحمة الله ، وترفع رأسها للسماء فتدعو لابنتها بالزواج" ثم تتجه للسرير لتوقظ البنت ،

حنان (ياسلام عالاسماء) قومي ياضنايا روحي الجامعة ،

دي الدكتورة سلوى اتصلت بيكي 6 مرات عشان اتاخرتي عالمحاضرة (هي الدكتورة سلوى فاضية تتصل بكل واحد اتاخر ؟(بس تقول ايه بقى ، الناس كلها بتحب حنان)

وبعدين لما هي اتصلت 6 مرات ماصحيتيش البنت من بدري ليه ؟ ) المهم .

حنان (تقوم من على السرير وهي في كامل اناقتها ومكياجها وشعرها كأنه لسة جاي من الكوافير ،

مافيش اي شئ بيدل انها كانت نايمة الا بيجامة النوم وهي ايضا في منتهى الأناقة وكأنها لسة جاية من عند المكوجي)

: حاضر ياست الحبايب ، ياأحلى أم في الدنيا (ايه المناسبة ؟ عادي ان اي ام تصحي بنتها عشان تروح الجامعة ، بس لازم تبان حنان انها ملاك).

الأم : احنا ناس على قد حالنا يابنتي (برضه مافيش مناسبة بس عشان نعرف ان حنان فقيرة).

ثم تنتقل بنا الكاميرا الى القرية (وطبعا لابد من وجود القرية في أي عمل فني) حيث تقف الفنانة بحر الدموع وسط أهل القرية وهي تصيح

: "مالكو يااهل البلد ؟ مالكو يااهل كفر الفنتوش ؟(مين الفنتوش ده؟) هتفضلوا ساكتين عالظلم ده لحد امتى ؟ لحد امتى هتفضلوا ساكتين على عواد العمدة وهو بياخد المعيز بتاعتكو؟ ماتتكلم ياسالم .

سالم : اني اتكلمت كتير ياهنية الدور والباقي على رجالة البلد اللي حطوا لسانهم في بقهم وخايفين من عواد .

وعندئذ لابد من ظهور بهلول مجذوب القرية وهو يردد عبارة من عينة : كله بأمره ، كله بأمره .

ثم تنتقل بنا الكاميرا الى فيلا شريف بيه ابوالخير(رجل الاعمال الطيب) بالمدينة (وطبعا المدينة هي العاصمة وكأن الدول العربية ليس بها الا العاصمة) وهو يخاطب ابنه عادل

: هيه ؟ ايه اخبار المصنع ياباشمهندس ؟

عادل : كله تمام يابابا بفضل حضرتك .

الأب : لا بفضلك انت ياباشمهندس (أمال فين فضل ربنا ؟) ، انت من يوم مامسكت المصنع بعد ماتخرجت السنة اللي فاتت والارباح زادت 200% (ولسة متخرج !!!) ،

ماقلتليش عملت ايه مع العامل ده اللي اسمه صالح اللي الشوكة دخلت في صبعه امبارح ؟

عادل : أبدا ، أقل حاجة ممكن اعملها ، طلعنا الشوكة من صبعه ، واديته بقية الاسبوع اجازة و 20 ألف جنيه تعويض (عادل هو الملاك الثاني في المسلسل وبالطبع سيتزوج حنان في النهاية) .

الأب ينظر لابنه في حنان قائلا : عمرك ماهتتغير .

_________________


There isn't any formula or method
You learn to love by loving
avatar
wael

Male Number of posts : 746
Age : 30
Location : ismailia
Registration date : 2007-07-18

View user profile

Back to top Go down

Re: 7asreyan qabl kol el fada2eyat ... aqwa mosalsalat ramadan

Post by wael on Sun Sep 02, 2007 5:10 pm

تعود بنا الكاميرا مرة أخرى الى القرية ولكن الى بيت العمدة الظالم عواد حيث يظهر وهو ينادي بسطاويسي الغفير (دائما الغفير اسمه بسطويسي)

: ولا يابسطويسي روح اندهلي شيخ الغفر أوام .

بسطويسي : حاضر ياجناب العمدة ثم يعود ومعه شيخ الغفر وكأنه كان واقف على الباب .

شيخ الغفر : اوامرك ياجناب العمدة.

العمدة : تروح انت وبسطويسي وبقية الغفر وتضموا معيز الواد اسماعيل بن ابوعيشة على المعيز بتاعتي (هي الدنيا سايبة ؟).

شيخ الغفر : اوامرك ياجناب العمدة ، ورايا ياولا يابسطويسي .

العمدة يضحك ضحكة شريرة ويقول : إما وريتك ياهنية (ساب بنات البلد كلها وعاوز يتجوز هنية وهي مش موافقة فهو بيغيظها انه ياخد معيز الفلاحين).

ثم تنتقل بنا الكاميرا الى شركة رشدي بيه ابو الشرور(رجل الاعمال الشرير طبعا) وهو يكلم سكرتيرته

: قولي لي ياعايدة (برضه السكرتيرة دايما اسمها عايدة وهيتجوزها على مراته) ايه اخبار شحنة اللحمة المسممة اللي في الجمارك ؟

عايدة : طلعت من الجمارك يارشدي بيه وكلها اسبوع وتنزل السوق .

رشدي : واخبار صفقة العربيات اللي من غير فرامل اللي هنستوردها من ايطاليا عشان تعمل حوادث بالناس ؟

عايدة : قلت لك اطمن يارشدي بيه ، كل حاجة ماشية مضبوط .

رشدي : طب ماتنسيش تتصلي بالدكتور نادر مدير المستشفى الخصوصي بتاعتي وتقولي له يخنق 5 من المرضى اللي عنده لحد مايموتوا (راجل أعمال شرير بقى) .

عايدة تبتسم في خبث : أمرك يارشدي بيه .

طبعا تتخرج حنان من الجامعة وتعمل صحفية في صحيفة محترمة (امال احنا مش لاقيين شغل ليه؟) ، ويكون كل همها مطاردة رشدي ابوالشرور،

وأثناء انتظارها للاتوبيس لتذهب للجريدة هي وصاحبتها ندى (شوف الأسماء) يمر عادل بسيارته الفاخرة فيقف لهما (من دون خلق الله اللي على المحطة) قائلا "اتفضلوا لما اوصلكو"

فتركبان معه (بكل بساطة من غير حتى مايسالهم هم رايحين فين) وطبعا تجلس حنان في الكرسي الامامي بجوار عادل حتى تتعرف عليه (المخرج عاوز كده) ،

وبعد فترة نسمع عادل وهو يقول لها

: معقول كل ده بيحصل ؟ (ماهي فتحت له قلبها بقى وحكت له على رشدي ، مش وصلها ببلاش)

فترد ندى من المقعد الخلفي : وأكتر من كده ياأستاذ عادل قصدي ياباشمهندس .



_________________


There isn't any formula or method
You learn to love by loving
avatar
wael

Male Number of posts : 746
Age : 30
Location : ismailia
Registration date : 2007-07-18

View user profile

Back to top Go down

Re: 7asreyan qabl kol el fada2eyat ... aqwa mosalsalat ramadan

Post by wael on Sun Sep 02, 2007 5:13 pm

ثم نظل طوال حلقات المسلسل نشاهد الأشرار رشدي وعواد وهما يتمتعان ويعيشان أحلى حياة فرشدي يستمتع بالسفر لاوروبا والاقامة بالساحل الشمالي ومصاحبة الجميلات

وعواد بالديوك الرومي والحمام المحشي والملوخية بالارانب ولايسقطا الا في آخر خمس دقائق من الحلقة الأخيرة من المسلسل ،

حيث تبلغ حنان البوليس بما لديها من مستندات فيتوجهون للقبض على رشدي وفي نفس الوقت يبلغ عادل البوليس عن عواد العمدة ،

لأن عادل اكتشف انه اصله من البلد وله ميراث هناك وعواد خده بعد ابوه مامات ،

وعندما يقبض البوليس على عواد يعترف لهم بأن رشدي هو الراس الكبيرة الذي كان يساعده في تهريب المخدرات (مخدرات ايه ؟ حد جاب سيرة مخدرات ؟)

وفي قسم البوليس يلتقي رشدي بعواد (شوف الصدف) ويتوقف العساكر بهما حتى يتحدثا مع بعضهما (ماهو العساكر فاضيين لهم)

فيقول رشدي لعواد : عملتها ياعواد ؟

عواد : امال كنت عاوزني اشربها لوحدي يارشدي ؟ (أحسن ، عشان وحشين ربهم وقعهم في بعض)

وتتزوج حنان من عادل الذي يقرر الاستقرار في القرية لمساعدة اهلها ويسيب المصنع في المدينة يتحرق (شوف الاصالة بقى) .

صدعت دماغكو بس مش ذنبي ، هو المسلسل طويل كده . سوري بقه لو كنت حرقت ليكوا مسلسل السنه دي

بس عارف انكوا هتعدوا تتفرجوا وانا هعد اتفرج معاكه وهنفرح في الاخر لاما يتقبض علي رشدي وعواد


المــ,ـوضوع منقـ,ـول

_________________


There isn't any formula or method
You learn to love by loving
avatar
wael

Male Number of posts : 746
Age : 30
Location : ismailia
Registration date : 2007-07-18

View user profile

Back to top Go down

Re: 7asreyan qabl kol el fada2eyat ... aqwa mosalsalat ramadan

Post by IonFox on Mon Sep 03, 2007 12:22 pm

ha ha ha .....emtesama safra.......we leltak loon tany...


ker ker ker
avatar
IonFox
Forum Consultant
Forum Consultant

Male Number of posts : 486
Age : 29
Location : Here I Am
Registration date : 2007-07-13

View user profile

Back to top Go down

Re: 7asreyan qabl kol el fada2eyat ... aqwa mosalsalat ramadan

Post by EVO on Thu Dec 13, 2007 10:41 pm

eih el 2alsh da :s:s

_________________


Its Life...
avatar
EVO

Male Number of posts : 611
Age : 30
Location : Isma3lia
Registration date : 2007-06-02

View user profile

Back to top Go down

Re: 7asreyan qabl kol el fada2eyat ... aqwa mosalsalat ramadan

Post by mokhtar_nazih on Tue Dec 18, 2007 2:11 pm

جامدة جداااااااااااااااااااااااااااااا
avatar
mokhtar_nazih

Number of posts : 10
Registration date : 2007-06-01

View user profile

Back to top Go down

Re: 7asreyan qabl kol el fada2eyat ... aqwa mosalsalat ramadan

Post by Sponsored content


Sponsored content


Back to top Go down

Back to top

- Similar topics

 
Permissions in this forum:
You cannot reply to topics in this forum